Nyu-York və Nyu-Cersi ştatları ABŞ prezidenti Donald Trampın administrasiyasına qarşı məhkəmə iddiası qaldırıblar.
Ucnoqta.az xarici mətbuata istinadən xəbər verir ki, ştatlar federal hökumətin yeni tunellərin tikintisi və onların ştatlarından keçən Hudson çayı keçidinin yenidən qurulması layihəsi üçün ayrılan 15 milyard dollarlıq maliyyəni saxladığını iddia edir.
Nyu-Cersi Baş Prokurorluğunun veb saytında dərc edilmiş açıqlamada deyilir ki, Nyu-Cersi və Nyu-York, şimali Nyu-Cersi ilə Nyu-York şəhəri arasında yeni tunellərin tikintisi və mövcud kritik Hudson çayı keçidinin yenidən qurulması üçün nəzərdə tutulan Gateway Layihəsi üçün ayrılan 15 milyard dollarlıq federal vəsaiti qanunsuz olaraq saxladığı və şimal-şərq bölgəsinin iqtisadi gələcəyini təhlükəyə atdığı üçün Tramp administrasiyasına qarşı məhkəmə iddiası qaldırıblar.
Qubernator Mika Şerillin sözlərinə görə, layihə dayandırılarsa, 1000 nəfər işini itirəcək və yüz minlərlə sərnişin etibarlı marşrutla işə gedə bilməyəcək. Nyu-York qubernatoru Keti Hoçul öz növbəsində layihənin dayandırılmasından itirilən gəlirin milyardlarla dollar olacağını qeyd edib.