Şəmsi Səmədzadə azadlıqda - VİDEO

13:53 - 28 May 2022 - Xəbər

Xəbər verdiyimiz kimi, ömürlük azadlıqdan məhrum edilmiş iş adamı Şəmsi Səmədzadə 22 il sonra əfv edilib.

“Qafqazinfo” xəbər verir ki, o, az öncə cəza çəkdiyi Qobustan qapalı həbsxanasından azadlığa buraxılıb. Ş.Səmədzadəyə müvafiq arayış təqdim olunduqdan sonra evinə yola salınıb.

Qeyd edək ki, Şəmsi Səmədzadə Ağır Cinayətlərə Dair İşlər üzrə Azərbaycan Respublikası Məhkəməsinin 2000-ci il 29 dekabr tarixli hökmü ilə ömürlük azadlıqdan məhrum edilmişdi.
Şəmsi Səmədzadə müstəqilliyin ilk illərində Azərbaycanda tanınmış bir sahibkar olub. Yerli mediada Göygöl rayonunda böyük təsərrüfatı və spirtli içki istehsal edən müəssisəsi olan Şəmsi Səmədzadənin sabiq Baş prokuror Zakir Qaralovun sifarişi ilə həbs olunması barədə məlumatlar yayılıb.

Bir neçə il əvvəl o, “Rezonans” verilişindəki çıxışı ilə tanınıb.

Şəmsi Səmədzadənin azadlıqdan ilk fotosunu jurnalist Əvəz Zeyallı lentə alıb.

Xəbər xətti