İsrail kəşfiyyat agentliyi Mossad üçün işləməkdə ittiham olunan iki iranlı - Məhəmməd Məsum Şahi və Həmid Vəlidi bazar ertəsi günü edam edilib.
Ucnoqta.az xəbər verir ki, bu barədə İran məhkəmə sisteminin mətbuat xidməti məlumat yayıb.
Qeyd olunub ki, iş materiallarına əsasən, həmin şəxslər internet və İraq Kürdüstanına səfərlər vasitəsilə İsrail kəşfiyyat zabitləri ilə əlaqə saxlayan casus şəbəkəsinin üzvləri olublar. Terror hücumları və təxribatlar üzrə təlim keçdikdən sonra onlar ölkəyə qayıdıblar.
İran hakimiyyət orqanlarının məlumatına görə, həmin şəxslər artıq bir neçə vəhşilik, o cümlədən bir neçə hərbi və mülki obyektin yandırılması törətmişdilər.
Bütün təxribat aktları kameraya qeydə alınıb və sonra Mossaddakı rəhbərlərinə göndərilib.