Azərbaycana qış fəsli gəlib. Azərbaycan Milli Elmlər Akademiyasının N. Tusi adına Şamaxı Astrofizika Rəsədxanasından Ucnoqta.az-a verilən məlumata görə, qış fəsli Azərbaycana bu gün saat 08:19 dəqiqədə daxil olub. Həmin vaxt Yerin fırlanma oxu Günəş istiqaməti ilə ən böyük bucaq əmələ gətirir və ya Günəş həmin an üfüqdən minimum hündürlükdə olur. Bu gün ilin ən qısa gündüzü, ən uzun gecəsi qeydə alınacaq.