Bu gün Xəzər TV-də yayımlanan "Hər şey daxil" proqramında qonaq olan Rüfət Axundovun efirdən qovulması barədə xəbərlər yayılıb.
Ucnoqta.az News24.az-a istinadən xəbər verir ki, xəbərlərin yayılmasına proqramın gedişatında Rüfətin studiyada görünməməsi rəvac verib. Xəbərlərdə bildirilir ki, Rüfətin efiri tərk etməsi Milli Televiziya və Radio Şurasının (MTRŞ) göstərişi ilə olub.
Baş verənlərə aydınlıq gətirmək üçün R. Axundovla əlaqə saxladıq. News24.az-ın sualına cavab olaraq, müğənni efirdən qovulmadığını bildirib. Qeyd edib ki, başqa yerə tələsdiyi üçün efiri özü yarımçıq tərk edib.
Məsələ ilə bağlı redaktor.az Xəzər televiziyası ilə əlaqə saxlayıb. Televiziyanın sözçüsü Aqşin Kamal bildirdi ki, Rüfətin efirdə olduğu barədə xəbərsiz idi.
Açıqlama verən MTRŞ-in Aparat rəhbəri Asəf Hacıyev isə söylədi ki, bununla bağlı dərhal tədbir görülüb və müğənni efirdən uzaqlaşdırılıb.