İtaliyanın “Yuventus” futbol klubu rəsmi olaraq “Arsenal”ın və Uels yığamsının yarımmüdafiəçisi Aaron Remzi ilə müqavilə imzaladığını bəyan edib. 28 yaşlı futbolçu 2019-cu ilin iyul ayının 1-dən “Yuventus”a azad agent qismində qoşulacaq. Remzi yeni klubunda illik 23 milyon avro qazanacaq. O, portuqaliyalı Kriştianu Ronaldodan sonra (31 milyon avro) klubun ən çox qazanan ikinci futbolçusu olacaq. Xatırladaq ki, Remzi 2008-ci ildən “Arsenal”da çıxış edir, onun hazırki müqaviləsi isə 2019-cu ilin yayına kimi nəzərdə tutulub. Futbolçu İngiltərənin cari mövsümündə 22 oyun keçirib, 2 qol və 6 məhsuldar ötürməyə imza atıb.