Ucarda ötən gündən yağmağa başlayan yağış fəsadlar törədib.   Ucnoqta.az APA-ya istinadən xəbər verir ki, şəhərin H. Aslanov və Koroğlu küçələrində yaşayan onlarla sakinin evlərini su basıb. Sakinlər məlum hadisə barədə bu gün rayon İcra Hakimiyyətinə məlumat verdiklərini bildiriblər.   Küləklə müşahidə olunan yağış nəticəsində şəhərin Heydər Əliyev prospekti və bir çox yaşayış məntəqələrinin elektrik enerjisi ilə təchizatında fasilə yaranıb. Hazırda təmir briqadaları lazımi tədbirlər görür.