Türkiyənin Danimarkadakı səfirliyinə hücum olub. “Report” “Sputnik”ə istinadən xəbər verir ki, məlumatı Kopenhagen Polis İdarəsi yayıb. Bildirilib ki, iki nəfər diplomatik nümayəndəliyə molotov kokteyli atıb. Hadisə nəticəsində xəsarət alan olmasa da, səfirliyin binasına ziyan dəyib. Hücum edilən vaxt binada heç kim olmayıb. Hadisə ilə bağlı araşdırma aparılır.