Yer kürəsinin Şimal yarımkürəsindəki əbədi buzlaqlarda 793 milyon kiloqram civə yığılıb və buzların əriməsi faciəyə səbəb ola bilər.
"Ucnoqta.az" Trend-ə istinadən bildirir ki, ABŞ geoloqlarının həyata keçirdiyi tədqiqatlar nəticəsində məlum olub.
Aparılan təcrübələr nəticəsində məlum olub ki, əbədi buzlaqlarda civənin həcmi son 30 il ərzində insan fəaliyyəti nəticəsində alınmış civədən on dəfə çoxdur.
Qeyd olunur ki, buzlaqlardan azad olunmuş metal zəhərli metil-civə birləşməsinə çevrilə bilər. Bu maddə isə insanın mərkəzi sinir sisteminə böyük ziyan vura bilər.
