Rusiyanın tanınmış teleaparıcısı Kseniya Sobçak ABŞ prezidenti Donald Trampın da qatıldığı ənənəvi səhər yeməyi dəvətindən danışıb.
"Ucnoqta.az" “Qafqazinfo”ya istinadən xəbər verir ki, aparıcı tədbirdə azı yarım saat oturub və format xoşuna gəlməyib. Onun fikrincə, bu tamamilə faydasız və mənasız tədbirdir.
ABŞ liderinin də yer aldığı ənənəvi səhər yeməyi barədə təəssüratlarını bölüşən Sobçak ziyafətdəki söhbətləri maraqsız hesab edib: “Çıxışların heç birinin mənası yox idi. Heç öz aralarında danışa bilməyən insanlar bir arada oturmuşdular. Orada bir çox dövlət xadimləri idi və ünsiyyət üçün yaxşı fürsət yaranmışdı. Ancaq heç nə ifadə etməyən rəsmi çıxışlardan insanlar danışmağa macal tapmadılar”.
