Bu gün səhər saatlarında Nərimanov rayonu ərazisində Niyyət İbrahimov adlı şəxs idarə etdiyi avtomobillə ölümlə nəticələnən qəza törədib.
"Ucnoqta.az" “Ölkə.Az”-a istinadən bildirir ki, piyada, Quba rayon sakini, 1962-ci il təvəllüdlü İdrisova Ədilə Tapdıq qızı yolu keçmək istəyərkən minik avtomobili tərəfindən vurulub. Yaralı xəstəxanaya çatdırılsada onun həyatını xilas etmək mümkün olmayıb. Meyit müayinə olunmaq üçün Məhkəmə Tibbi Ekspertiza və Pataloji Anatomiya Birliyinin Nərimanov rayon şöbəsinə aparılıb.
Qeyd edək ki, dünyasını dəyişən 5 saylı şəhər xəstəxanasında sanitarka işləyib.
Faktla əlaqədar Nərimanov RPİ-də cinayət məcəlləsinin 263.2-ci maddəsi ilə cinayət işi başlanıb, araşdırma aparılır.