Qusar rayonu ərazisində meşədə çürümüş kişi meyiti tapılıb. Ucnoqta.az APA-ya istinadən xəbər verir ki, rayonun Mucuq kəndi ərazisində meşə massivində aşkarlanan kişi meyitinin təxminən 50-55 yaşlarında olduğu ehtimal edilir.
Onun bir neçə ay öncə öldüyü təxmin olunur. Meyiti tapılan şəxsin kimliyinin müəyyənləşdirilməsi istiqamətində hüquq-mühafizə orqanları tərəfindən işlər davam etdirilir.
Faktla bağlı Qusar rayon Prokurorluğunda araşdırmalar aparılır.