Goranboy rayonunda yol qəzası baş verib. "Report" xəbər verir ki, hadisə bu gün səhər saatlarında rayonun Qızılhacılı qəsəbəsində qeydə alınıb.
Belə ki, kənd sakini Əli Bağırov idarə etdiyi "VAZ-2107" minik avtomobili traktorla toqquşub. Nəticədə müxtəlif bədən xəsarətləri alan sürücü Goranboy Rayon Mərkəzi Xəstəxanasına çatdırılıb.
Zərərçəkənə ilkin tibbi yardım göstərilib, vəziyyətinin orta-ağır olduğu bildirilir.
Faktla bağlı araşdırma aparılır.