UEFA Çempionlar Liqasının 1/8 final mərhələsinin “Atletiko” ilə cavab matçının sonunda “Real Madrid”in üç futbolçusunu qeyri-etik hərəkətə görə cərimələyib.
Ucnoqta.az xəbər verir ki, bu barədə təşkilatın saytında məlumat yayılıb.
Belə ki, Antonio Rudiger 40 min avro, Kilian Mbappe 30 min avro, Daniel Seballos isə 20 min avro cərimələnib. Bundan əlavə, Mbappe və Rüdiger bir illik sınaq müddəti ilə bir oyunluq cəzalanıb. Vinisius Juniora qarşı heç bir intizam işi açılmayıb.
UEFA martın sonunda "Real Madrid"in bir neçə futbolçusu tərəfindən intizam qaydalarını pozması ilə bağlı araşdırmaya başlayıb. Martın 12-də "Atletiko Madrid"i penaltilər seriyasında məğlub edən "Real Madrid" Çempionlar Liqasının 1/4 finalına yüksəlib. Komanda qələbəni azarkeş kütləsi qarşısında qeyd edib.
Sosial mediada yayılan videolarda Mbappenin şənlik zamanı qasıqından yapışdığı, Rudigerin isə barmağını boğazına yaxınlaşdırdığı əks olunub.