ABŞ bütün idxal avtomobillərinə 25% rüsum tətbiq edəcək

00:27 - 3 Aprel 2025 - DÜNYA

ABŞ aprelin 3-dən bütün idxal avtomobillərinə 25% gömrük rüsumunu tətbiq edəcək. Həmçinin ABŞ bütün idxal mallarına 10 faizlik rüsum tətbiq edir.

Ucnoqta.az xəbər verir ki, bu barədə ABŞ prezidenti Donald Tramp Ağ Evin Gül bağında çıxışı zamanı deyib.
"Bizim şirkətlərimizin heç birinə başqa ölkələrdə, dost və düşmənlərdə işləməyə icazə verilmir və bir çox hallarda dost ticarət baxımından düşməndən daha pisdir. Bu cür dəhşətli təhriflər bizim sənaye bazamızı sarsıtdı və milli təhlükəsizliyimizi təhdid etdi. Mən bu fəlakətdə başqa ölkələri günahlandırmıram. Mən keçmiş prezidentləri və ABŞ-ın əvvəlki rəhbərlərini günahlandırıram ki, onlar buna icazə veriblər. O həddə ki, heç kəs inana bilmir, buna görə də gecə yarısından biz bütün xarici istehsal olan avtomobillərə 25 faizlik rüsum tətbiq edəcəyik”, - deyə dövlət başçısı bildirib.

Xəbər xətti