İstanbulun Ambarlı-Marport limanında Komor adaları bayrağı altında yük daşıyan Amnah konteyner gəmisi yan tərəfdən aşıb.
Ucnoqta.az xəbər verir ki, bu barədə Türkiyənin Nəqliyyat Nazirliyi X sosial şəbəkədə məlumat yayıb. Məlumata görə, Komor adalarının bayrağı altında "Amnah" konteyner gəmisindən 15 nəfər təxliyyə edilib.
Qəza zamanı 3 ekipaj üzvü suya tullanaraq liman yedək gəmisi tərəfindən götürülüb. Qalan dənizçilər batan konteyner gəmisindən təxliyə edilib. Ekipaj üzvlərindən biri yüngül xəsarət alıb.