Tacikistan prezidenti Emoməli Rəhmon yenidən Tacikistan Xalq Demokratik Partiyasının (XDP) sədri seçilib
Ucnoqta.az xəbər verir ki, dövlət başçısının saytında yerləşdirilən məlumatda deyilir. Bildirilir ki, onun namizədliyi respublikanın hakim partiyasının Düşənbədə keçirilən 15-ci qurultayının iştirakçıları tərəfindən dəstəklənib.
Bundan başqa, qurultayda partiyanın Mərkəzi İcraiyyə Komitəsinin yeni tərkibi, onun rəhbərliyi və digər partiya orqan və strukturlarının tərkibi təsdiq edilib.
Qeyd olunur ki, qurultayı açan E.Rəhmon partiyanın yaradılmasının 30-cu ildönümü münasibətilə onun iştirakçılarını və bütün üzvlərini təbrik edib, həmçinin partiyanın son beş ildə fəaliyyətini təhlil edib.