Salyan Rayon Polis Şöbəsinin təşkilatçılığı ilə rayonun Sarvan və Qızılağac kənd tam orta məktəblərində “Narkomaniyaya yox deyək!” mövzusunda maairfləndirmə tədbirləri keçirilib.
Ucnoqta.az DİN-ə istinadən xəbər verir ki, görüşlərə çıxış edən RPŞ-nin rəisi polis polkovniki Nəzər Əsgərov narkomaniya və onun fəsadları ilə bağlı şagirdlərə geniş məlumatlar verib, bu bəlanın yayılmasının qarşısının alınması məqsədi ilə görülən müvafiq tədbirlər iştirakçıların diqqətinə çatdırıb.
Tədbirlərin sonunda iştirakçıları maraqlandıran suallar cavablandırılıb və “ağ ölüm”ün zərərlərini əks etdirən videoçarxlar nümayiş olunub.