Britaniya Azərbaycanlıları Assosiasiyası “Qarabağ” futbol klubunun baş məşqçisi Qurban Qurbanova Azərbaycan futbolunun dünyada tanıdılmasındakı müstəsna xidmətlərinə görə hədiyyə təqdim edib.
Ucnoqta.az xəbər verir ki, bu barədə adı çəkilən qurumdan bildirilib. Britaniya Azərbaycanlıları Assosiasiyası sədri Hafiz Baxşəliyev məşqçiyə Londonda yaşayan azərbaycanlı rəssam Gülnarə Abilovanın çəkdiyi Qurban Qurbanovun rəsmi təqdim edib.
Qeyd edək ki, UEFA Avropa Liqasının Liqa mərhələsində çıxış edən “Qarabağ” klubu bu gün səfərdə ilk oyununa çıxacaq.
Komandamız Londonda “Tettenhem”in qonağı olacaq. Matç Bakı vaxtı ilə saat 23:00-da başlayacaq. Oyunu Fransadan olan hakimlər briqadası idarə edəcək.
