Son 24 saat ərzində Rusiyanın hava hücumundan müdafiə sistemləri Ukrayna Silahlı Qüvvələrinin 45 pilotsuz təyyarəsini məhv edib.
Ucnoqta.az xəbər verir ki, bu barədə Rusiya Müdafiə Nazirliyi məlumat yayıb.
Məlumata görə, HHM sistemləri Fransa istehsalı olan iki “Hammer” idarəolunan bombanı, ABŞ istehsalı olan dörd HIMARS raketini və 45 pilotsuz uçuş aparatını vurub.
Rusiya Müdafiə Nazirliyi qeyd edib ki, xüsusi hərbi əməliyyat başlayandan indiyədək 642 təyyarə, 283 helikopter, 31 166 pilotsuz uçuş aparatı, 579 zenit-raket kompleksi, 17 969 tank və digər zirehli döyüş maşını, 1447 reaktiv yaylım atəşi sistemli döyüş maşını, 14 358 səhra artilleriya qurğusu və minaatan, 25 825 ədəd xüsusi təyinatlı hərbi texnika məhv edilib.