İsrail Hərbi Hava Qüvvələri Livanın cənubundakı şiə Hizbullah hərəkatının hərbi obyektlərinə yeni silsilə hücumlar həyata keçirib.
Ucnoqta.az xəbər verir ki, bu barədə ordunun mətbuat xidməti məlumat yayıb.
Məlumata görə, bir müddət əvvəl ölkənin cənubundakı Livanın Bint-Cbeil qəsəbəsi ərazisində Hizbullah silahlı qüvvələrinin reaktiv yaylım atəşi sistemi və hərbi infrastrukturuna hava zərbəsi endirilib.
Bundan əlavə, gün ərzində İsrail Hərbi Hava Qüvvələri Livanın cənubundakı Beyt Lif, Əl-Edeisa və Əl-Teibi kəndləri yaxınlığındakı Hizbullah hərbi obyektlərinə hücum edib.