“Vityaz-Aero” aviaşirkətinə məxsus Mi-8 helikopteri Kamçatkada yoxa çıxıb.
Ucnoqta.az xəbər verir ki, bu barədə TASS-a əməliyyat xidmətlərindən məlumat verilib. Məlumata görə, vertolyotun axtarışı üçün aviaşirkətin digər təyyarəsi havaya qalxıb, daha bir Mi-8 helikopteri və yerüstü xilasetmə qrupu marşrut üzrə getməyə hazırdır.
Federal Hava Nəqliyyatı Agentliyinin məlumatına görə, helikopterdə 22 nəfər olub: 3 ekipaj üzvü və 19 sərnişin.