"Atamdan ayrılanda 7-ci sinifdə oxuyurdum. Atamın olmadığı illər bizim ən çətin dövrümüz olub".
Axşam.az xəbər verir ki, bu sözləro aktrisa Pərvin Abıyeva "Həftənin qonağı" verilişinə müsahibəsində deyib. Sənətçi atasından danışıb:
"Atam Rusiyada yaşayırdı və bu səbəbdən 7 il Azərbaycana gəlmədi. Ayrılma səbəblərindən ən böyüyü də bu idi. Həm ata, həm də anamın qohumları anamı “yox” sayırdılar. Evsiz, pulsuz qaldıq. Amma bunlara görə mən nə atamı, nə də ki, anamı günahlandırıram. Atamın geri qayıtmamasının səbəbi isə orada başına xoş olmayan işlərin gəlməsi oldu. Atam heç zaman anama xəyanət etməyib. Başqa və daha böyük problemlər idi. O qayıdıb gələndə isə anam onu qəbul etmədi".