AVRO-2024-ün seçmə mərhələsi çərçivəsində Azərbaycan və İsveç milli komandaları arasında oyun keçirilib.
Ucnoqta.az xəbər verir ki, Bakıda Tofiq Bəhramov adına Respublika stadionunda keçirilən qarşılaşma saat 21:00-da start götürüb. Hesab oyunun 3-cü dəqiqəsində açılıb. Azərbaycan millisinin kapitanı Emin Mahmudov topu rəqibin qapısından keçirib. Oyunun 6-cı dəqiqəsində Renat Dadaşov hesabı daha da artırıb 2:0.
Qarşılaşmanın 89-cu dəqiqəsində Emin Mahmudov uzaq məsafədən özünün ikinci, komandanın üçüncü qolunu vurub.
Hesab 3:0 Azərbaycan millisinin qələbəsi ilə yekunlaşıb.
Avro-2024, seçmə mərhələ, 9-cu tur
16 noyabr
21:00 Azərbaycan - İsveç - 3:0
Qol: Emin Mahmudov, 3, Renat Dadaşov, 6, Emin Mahmudov, 89
Qırmızı vərəqə: Bəhlul Mustafazadə, 57 (Azərbaycan)
Baş hakim: Ester Ştaubli (İsveçrə)
Tofiq Bəhramov adına Respublika Stadionu