Amerika hərbçiləri Türkiyənin pilotsuz uçan aparatını təhdidlə səhv salaraq, Suriya ərazisi səmasında onu vurub.
Ucnoqta.az xəbər verir ki, bu barədə Pentaqonun sözçüsü Patrik Rayder bildirib.
“Komandanlıq pilotsuz təyyarənin yaxınlaşmasını təhlükə kimi qiymətləndirib. F-16-lar onu vurdular”, - qeyd olunub.
O, əlavə edib ki, Türkiyə qüvvələrinin Amerika mövqelərini hədəfə almasına dair heç bir əlamət yoxdur. ABŞ müdafiə rəsmisi həmçinin bildirib ki, Pentaqon rəhbəri Lloyd Austin türkiyəli həmkarı Yaşar Gülər ilə insidentlə bağlı telefon danışığı aparıb və koordinasiyaya sadiqliyini bir daha təsdiqləyib.
Rayder qeyd etdiyi kimi, Ankara Vaşinqtonun Şimali Atlantika Alyansındakı aparıcı müttəfiqlərindən biridir və hadisəni “təəssüf doğuran” adlandırıb.
