İtaliya gələn qışda Ukraynaya öz infrastrukturunu qorumaqda kömək etməyə hazırdır və Kiyev üçün səkkizinci hərbi yardım paketi üzərində işləyir.
Ucnoqta.az xəbər verir ki, ANSA-nın məlumatına görə, bunu Kiyevdə Ukrayna prezidenti Volodimir Zelenski ilə görüşü zamanı İtaliya baş nazirinin müavini və xarici işlər naziri Antonio Tajani deyib.
Onun sözlərinə görə, Tajani “Kiyevin Aİ-yə üzvlük yolunda” İtaliyanın dəstəyinə zəmanət verib. O əlavə edib ki, 2024-cü ildə İtaliyanın G7-yə sədrliyi zamanı Ukrayna mövzusu mərkəzi olacaq. İtaliya baş nazirinin müavini Aİ Şurasının xarici işlər nazirləri səviyyəsində qeyri-rəsmi iclasında iştirak etmək üçün bazar ertəsi Ukrayna paytaxtına gəlib.
İtaliya indiyədək Kiyevə yeddi paketdə silah tədarük edib, onların məzmunu məxfiləşdirilib.