Messinin vaxtından əvvəl əvəzlənməsinin səbəbi məlum olub
Ucnoqta.az xəbər verir ki, "İnter Mayami"nin baş məşqçisi Xerardo Martino argentinalı hücumçu Lionel Messinin MLS-də Toronto ilə matçda (4:0) vaxtından əvvəl əvəzlənməsi ilə bağlı jurnalistlərin suallarını cavablandırıb.
“Lionel Messi və Jordi Alba bu gün oynamağa hazır olduqlarını düşünürdülər, lakin yorğunluq özünü büruzə verdi və narahatlıq hiss etdilər. Zədə baxımından orada ciddi bir şeyin olduğunu düşünmürük.
Alba və Messinin "Orlando" ilə növbəti oyunu (25 sentyabr) keçirmək şansı yoxdur. Finala (ABŞ Kuboku, 28 sentyabr) gəlincə, onun oynayıb-oynamayacağını bilmirəm”, - deyə mütəxəssis bildirib.
"Toronto" ilə matçda Messi 37-ci dəqiqədə, Xordi Alba isə 35-ci dəqiqədə meydanı tərk edib.