Sumqayıt şəhərində yerləşən “Green House” şadlıq evində baş vermiş yanğın Fövqəladə Hallar Nazirliyi Dövlət Yanğından Mühafizə Xidmətinin qüvvələri tərəfindən söndürülüb.
Bu barədə Ucnoqta.az-a FHN-dən bildirilib.
Qeyd edilib ki, havanın küləkli olması yanğınla mübarizə tədbirlərini çətinləşdirsə də yanğınsöndürənlərin çevik və peşəkar fəaliyyəti sayəsində yanğın qısa müddətdə söndürülüb.
Hadisə zamanı xəsarət alan olmayıb.
15:26
Sumqayıt şəhərindəki “Green house” şadlıq evi yanır.
Ucnoqta.az xəbər verir ki, yanğınla bağlı video sosial şəbəkələrdə yayılıb.
Fövqəladə Hallar Nazirliyinin (FHN) yaydığı xəbərə görə, “112” qaynar telefon Sumqayıt şəhərində şadlıq evində yanğın olması barədə ilkin məlumat daxil olub.
Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub.
Hazırda yanğınsöndürmə işləri həyata keçirilir.