Supermodel Cici Hadid marixuana saxlamaqda ittiham olunaraq həbs edilib.
Ucnoqta.az xəbər verir ki, bu barədə TMZ məlumat yayıb.
İyulun 10-da 27 yaşlı Cici Hadid şəxsi təyyarəsi ilə ABŞ-dan Kayman adalarına uçub. "Owen Roberts" Beynəlxalq Hava Limanının gömrükçüləri modelin baqajını skan edib və içərisində az miqdarda marixuana aşkar ediblər. Hadid və onun yol yoldaşı narkotik maddə idxal etməkdə ittiham edilərək həbs edilərək Kayman adalarının Kral Təcridxanasına aparılıb. Orada model 1000 dollar məbləğində girov qoydu, bundan sonra o, məhkəməyə qədər sərbəst buraxılıb.