Sverdlovsk vilayətində kişi həyat yoldaşı ilə münaqişə zəminində həyətdə qəza törədib və avtomobilləri vurmağa başlayıb
Ucnoqta.az xəbər verir ki, sosial şəbəkələrdə hadisənin görüntüləri yayılıb.
Reftinski kəndində qırmızı rəngli “Chevrolet” markalı avtomobilin sürücüsü dayanmış “Daewoo Nexia”ya çırpılıb, daha sonra salondan çıxıb və zədələnmiş avtomobilləri lomla vurmağa başlayıb. Bu zaman qadın evdən çıxaraq “Chevrolet” markalı avtomobilin sükanı arxasına keçib və kişi avtomobili zədələyərkən hadisə yerindən uzaqlaşıb.
Daxili İşlər Nazirliyinin regional Baş İdarəsindən verilən məlumata görə, beş illik evlilikdən sonra boşanma prosesində olan ər və arvad kameraya düşüblər. Ərin hər iki maşını var. Hadisə ilə bağlı polisə heç bir şikayət daxil olmayıb.
Hüquq-mühafizə orqanlarının əməkdaşları araşdırma aparır.