"Real Madrid"in baş məşqçisi Karlo Ançelotti 2024-cü ildən Braziliya millisini çalışdıracaq.
Ucnoqta.az xəbər verir ki, bu barədə bazar ertəsi Braziliyanın UOL Esporte portalı məlumat yayıb.
Məlumata görə, italiyalı ilə Braziliya Futbol Konfederasiyasının rəhbərliyi arasında müvafiq şifahi razılıq əldə olunub və bu barədə artıq İspaniya klubunun menecerləri məlumatlandırılıb. Eyni zamanda, qeyd edildiyi kimi, tərəflər Ançelottinin hazırkı müqaviləsinə istinad edərək bu məlumatı təsdiqləməkdən rəsmən imtina edirlər.
9 dekabr 2022-ci ildə Tite Braziliya millisinin baş məşqçisi vəzifəsindən istefa verdiyini açıqlayıb. O, 2016-cı ildən bu vəzifəni icra edirdi. Mütəxəssis Qətərdə keçirilən dünya çempionatının 1/4 finalında xorvatlara məğlubiyyətdən sonra (1:1, 2:4 - penaltilər seriyasında) millinin baş məşqçi postunu tərk edib.
Fevralın 15-dən Ramon Menezes baş məşqçi səlahiyyətlərini icra edir.