NHR Taxi Aereo təyyarəsinin uçuş zamanı qapısı açılıb
Ucnoqta.az xəbər verir ki, görüntüləri AviaNews Telegram kanalı yayıb. Məlumata görə, uçuş zamanı NHR Taxi Aereo sərnişin təyyarəsinin qapısı açılıb və görüntülər kameraya düşüb.
Videonu çıxışa yaxın oturan sərnişinlərdən biri lentə alıb. Videoda açıq qapıdan küləyin Embraer EMB-110 Bandeirante təyyarəsinin salonuna necə çırpıldığı göstərilir. Oradan laynerin uçduğu ərazini aydın görmək olar.
Braziliyanın San Luis şəhərindən qalxan çarter reysinin gəliş şəhəri göstərilmir. Təyyarədə "Tierry" musiqi qrupunun üzvləri olub. Təyyarə uçuş hava limanına qayıdıb və sağ-salamat yerə enib. Sərnişinlərdən və ekipaj üzvlərindən heç biri xəsarət almayıb.