Fransanın "Paris Sen-Jermen" futbol klubunun argentinalı hücumçusu Lionel Messi komanda ilə məşqlərə qayıdıb.
Ucnoqta.az xəbər verir ki, bu barədə bazar ertəsi PSJ-nin mətbuat xidməti məlumat yayıb.
"Messi bazar ertəsi səhər məşqə qayıdıb", - mətbuat xidmətinin açıqlamasında deyilir.
Xatırladaq ki, mayın 1-də Messi klub rəhbərliyinin icazəsi olmadan komandanın olduğu yerdən ayrılaraq Səudiyyə Ərəbistanına yollanıb. Daha sonra klubun argentinalı futbolçunu iki həftəlik oyunlardan kənarlaşdırdığını bildirib. Reuters xəbər verir ki, cəza Messinin Paris klubu rəhbərliyinə bu mövsümün sonunda komandada qalmayacağını deməsindən sonra ona qarşı tətbiq edilib. Mayın 5-də Messi klub rəhbərliyindən və futbolçularından üzr istəyib.