İngiltərə Premyer Liqasında İngiltərə çempionatının 35-ci turu çərçivəsində səfərdə "Vest Hem"ə məğlub olan "Mançester Yunayted" ardıcıl ikinci məğlubiyyətini alıb.
Ucnoqta.az xəbər verir ki, mayın 7-də Londonun Olimpiya Stadionunda keçirilən oyun meydan sahiblərinin 1:0 hesablı qələbəsi ilə başa çatıb.
Görüşdə yeganə qolu 27-ci dəqiqədə hücumçu Mohamed Said Benrahma vurub.
35-ci turun yekununda “Mançester Yunayted” turnir cədvəlində dördüncü pilləni qoruyub. Komanda 34 oyunda 63 xal toplayıb. “Vest Hem” 37 xalla 15-ci yerdədir.