"Barselona" rəhbərliyi 2022/2023 mövsümünün sonuna qədər transferi ilə bağlı məsələni həll etməyi tələb edən argentinalı hücumçu PSJ Lionel Messinin ultimatumuna cavab verib.
Ucnoqta.az xəbər verir ki, bu barədə “Marca” yazıb.
Məlumata görə, kataloniyalılar 35 yaşlı futbolçunu yayda transfer edə biləcəklərinə əmindirlər. Onların fikrincə, danışıqlar çox vaxt aparmamalıdır. "Barselona" hücumçunu iyulun sonunda, klub ABŞ-a mövsümöncəsi turneyə çıxdıqda komandaya qatmağı planlaşdırır.
Mayın 3-də L'Equipe nəşri PSJ rəhbərliyinin Messi ilə müqaviləni yeniləməkdən imtina etdiyini yazmışdı. Qeyd olunur ki, klub hücumçunun Səudiyyə Ərəbistanına razılaşdırılmamış səfərinə son dərəcə mənfi reaksiya verib.
Hücumçunun Paris komandası ilə müqaviləsi 2023-cü ilin iyun ayına kimi bir mövsümlük uzadılma variantı ilə nəzərdə tutulub.