Kriştianu Ronaldo ədəbsiz hərəkətə görə Səudiyyə Ərəbistanından deportasiya olunacaq
Ucnoqta.az xəbər verir ki, bu barədə vəkil Nuf bint Əhməd Tvitter hesabında məlumat verib. Məlumata görə, “Əl-Nasr”ın portuqaliyalı futbolçusu Kriştiano Ronaldo Səudiyyə Ərəbistanından deportasiya olunmaq təhlükəsi ilə üzləşib.
Vəkil bildirib ki, ədəbsiz hərəkətə görə futbolçuya qarşı prokurorluqda iddia qaldırmaq niyyətindədir. O, vurğulayıb ki, onun davranışı ictimai ədəbsizliyin təzahürü hesab olunur və əcnəbi tərəfindən törədildikdə həbs və deportasiya tələb edən cinayətlərdən biridir.
Ronaldo "Əl-Nəsr" - "Əl-Hilal" (0:2) matçında meydanı tərk edərkən tribunadan kiminsə Lionel Messinin adını qışqırmasına cavab olaraq qasıq nahiyəsini göstərib.