"Barselona"nın baş məşqçisi Xavi İspaniya kubokunun yarımfinal mərhələsinin cavab oyununda "Real"a məğlubiyyətdən danışıb.
Ucnoqta.az xəbər verir ki, bu barədə Marca yazıb.
“Bu gün 4:0 hesabı ilə məğlub ola bilərsiniz, amma La Liqa və İspaniya Super Kubokunu qazana bilərsiniz. Təbii ki, bu mühüm nəticədir. "Real Madrid" qələbəyə layiq idi.
İnsanlar yadda saxlamalıdırlar ki, İspaniyada kubok qazanmaq üçün güclü "Real Madrid"i məğlub etmək lazımdır. Bu mövsüm La Liqa və Superkuboku qazansaq, bu məğlubiyyət çox yaxşı mövsümü məhv etməyəcək. Amma bu məğlubiyyətə laqeyd olmaq mümkün deyil, yatmaq çətin olacaq”, - deyə Xavi bildirib.
Qeyd edək ki, aprelin 5-də “Kamp Nou” stadionunda keçirilən oyun 4:0 hesabı ilə madridlilərin xeyrinə başa çatıb.