"Barselona" İspaniya Kral Futbol Federasiyasına (RFEF) 2023/2024 mövsümü üçün ev oyunlarını Barselonadakı Luis Kompani Olimpiya Stadionunda keçirə biləcəyi barədə məlumatlandırıb.
Ucnoqta.az xəbər verir ki, bu barədə “Marca” yazıb.
"Barselona"nın hazırkı "Camp Nou" stadionunda təmir işləri gedir. Kataloniya klubu stadionun yenidən qurulması üçün təxminən 1,5 milyard avro vəsaitin ayrılması üçün investisiya fondları ilə danışıqlar aparır. Əgər kredit alınarsa, yayda "Camp Nou"nun yenidən qurulmasına başlanılacaq.
Beləliklə, "Barselona" 2024-cü ilin noyabrına qədər ev oyunlarını Olimpiya Stadionunda keçirəcək.