PSJ-nin argentinalı hücumçusu Lionel Messi "Barselona"ya qayıtmaq üçün maaşını azaltmağa hazır olduğunu bildirib.
Ucnoqta.az xəbər verir ki, bu barədə jurnalist Cerard Romero Twitch striminq xidmətində yayımlanan veriliş zamanı bildirib.
Romeronun sözlərinə görə, Messi "PSJ" ilə müqaviləni yeniləmək fikrində deyil. Onun İspaniya komandası ilə fəal danışıqlar apardığı qeyd edilir.
Martın 18-də Footmercato Messinin Barselonaya qayıtmaq niyyətindən danışıb.
Daha sonra La Liqanın prezidenti Xavyer Tebas komandanın hazırkı iqtisadi vəziyyəti ilə hücumçunun onunla müqavilə bağlaya bilməyəcəyini bildirib. Tebas ümid etdiyini bildirib ki, argentinalı karyerasını İspaniyada bitirəcək, lakin bunun üçün Messi maaşının azaldılmasına razı olmalıdır.