İsrailin ABŞ-dakı səfirliyi həmkarlar ittifaqının bütün dövlət işçilərini ölkədəki məhkəmə islahatlarına etiraz etmək üçün çıxmağa çağırdığı üçün bağlanıb.
Ucnoqta.az xəbər verir ki, bu barədə İsrailin ABŞ-dakı diplomatik missiyasının nümayəndəsi Elad Strohmayer öz Twitter səhifəsində yazıb.
Onun sözlərinə görə, İsrailin ən böyük həmkarlar ittifaqı Histadrut əmr verib ki, bütün dövlət qulluqçuları, o cümlədən xaricdəki diplomatik nümayəndəliklərin əməkdaşları tətil etsinlər.
“İsrailin (ABŞ-dakı) səfirliyi bu gün növbəti xəbərdarlığa qədər bağlı olacaq, konsulluq xidmətləri göstərilməyəcək” - o, deyib.