Beynəlxalq Futbol Federasiyasının (FİFA) İdarə Heyəti 2026-cı ildə keçiriləcək dünya çempionatının formatını təsdiqləyib.
Ucnoqta.az xəbər verir ki, bu barədə FİFA-nın mətbuat xidməti məlumat yayıb.
2017-ci ildə FİFA 2026-cı il dünya çempionatında ilk dəfə 48 komandanın iştirak edəcəyini açıqlamışdı. Turnirin qrup mərhələsi 72 oyundan ibarət olacaq - komandalar hər biri dörd komanda olmaqla 12 qrupa bölünəcək, dördlüklərdən birinci yerləri qazanmış iki komanda və üçüncü yerləri qazanmış səkkiz ən yaxşı komanda çıxacaq. Qrup mərhələsindən sonra komandalar 1/16 final mərhələsində oynayacaqlar. Ümumilikdə turnir 104 qarşılaşmadan ibarət olacaq.
Əvvəllər dünya çempionatlarında 32 komanda iştirak edirdi, turnir 64 görüşdən ibarət idi.
Turnir 56 gün davam edəcək. Final matçı 2026-cı il iyulun 19-na təyin edilib. 2026-cı ildə futbol üzrə dünya çempionatı ilk dəfə üç ölkədə keçiriləcək: Kanada, ABŞ və Meksika.