"PSJ" "Real Madrid"in fəal maraqlandığı fransalı hücumçu Kilian Mbappeni heyətində saxlamaq niyyətindədir.
Ucnoqta.az xəbər verir ki, bu barədə L'Equipe məlumat yayıb.
PSJ 24 yaşlı fransızla müqaviləyə bir çox əlavə variantları daxil edib. Belə ki, Çempionlar Liqasında qələbə qazanacağı təqdirdə futbolçunun klubla müqaviləsi avtomatik yenilənəcəkdi.
PSJ Avrokuboklarda iştirakını dayandırsa da, bu halda da əlavə şərt var - Mbappe Çempionlar Liqasındakı uğursuzluğa baxmayaraq yayda komandada qalsa, 100 milyon avro loyallıq bonusu alacaq.
Ötən gün PSJ Çempionlar Liqasının 1/8 final mərhələsinin cavab oyununda səfərdə "Bavariya"ya məğlub olub.
Qeyd edək ki, Mbappe 2018-ci ildən PSJ-də çıxış edir. Onun klubla müqaviləsi 2025-ci ilə qədərdir.