İngiltərə Premyer Liqasının 26-cı turu çərçivəsində "Liverpul" "Mançester Yunayted"i qəbul edib. Oyun 7:0 "Liverpul"un qələbəsi ilə başa çatıb.
Misirli futbolçu Məhəmməd Salah 66 və 83-cü dəqiqələrdə vurduğu qollar sayəsində Premyer Liqa tarixində "Liverpul"un bombardiri olub. Misirli futbolçu 205 matçda 129 qol vurub. O, Robbi Faulerin rekordunu qırıb (1992-ci il).
Bundan əlavə, Salah "Liverpul" tarixində bütün yarışlarda "Mançester Yunayted"ə qarşı ardıcıl altı oyunda qol vuran ilk oyunçudur. Bundan əlavə, misirli artıq bu mövsüm "Liverpul"un 32 qolunda iştirak edib (21 qol, 11 məhsuldar ötürmə). O, ikirəqəmli qol və məhsuldar ötürmə edən yeganə Premyer Liqa oyunçusudur.
Emin