Məşhur fransalı mütəxəssis Zinəddin Zidan London "Çelsi"sinin baş məşqçisi ola bilər.
Ucnoqta.az bu barədə "Sport.es"ə istinadən xəbər verir.
Nəşrin məlumatına görə, Zidan komandanın zəif nəticələrinə görə "Çelsi"nin baş məşqçi postunu tərk edə biləcək Qrem Potteri əvəz edə bilər.
Zidan 2016-2018-ci illərdə "Real Madrid"i çalışdırıb və 2019-cu ildə "Real Madrid"ə qayıdıb. Onun rəhbərliyi altında komanda iki dəfə İspaniya çempionatının, iki dəfə İspaniya Superkubokunun və üç dəfə Çempionlar Liqasının qalibi olub. Qeyd edək ki, o, ardıcıl üç dəfə əsas klub turnirinin qalibi olmağı bacarıb.
Təcrübəli məşqçi 2021-ci ildən komandasız qalıb.
Daha əvvəl Qətər əmiri Təmim bin Həməd Əl Taninin Zinəddin Zidanı "PSJ"-nin baş məşqçisi vəzifəsində görmək istədiyi bildirilirdi.