Yunanıstanın Larisa şəhəri yaxınlığında sərnişin qatarı ilə yük qatarının toqquşması nəticəsində ölənlərin sayı 26-ya çatıb, 85 nəfər xəsarət alıb.
Ucnoqta.az xarici mətbuta istinadən xəbər verir ki, bu barədə yanğınsöndürmə xidmətinin rəsmi nümayəndəsi Vassilis Vatrakoyannis bildirib.
"Təsdiq olunmuş məlumata görə, hazırda dağıntılar altından 26 ölü cəsədi çıxarılıb. Ən azı 85 nəfər xəsarət alıb, onlar xəstəxanalara çatdırılıb", - Vatrakoyannis bildirib. "Hadisə yerinə 150 yanğınsöndürən, 40 təcili tibbi yardım maşını və 15 patrul avtomobilində 32 polis əməkdaşı cəlb olunub", - o əlavə edib.
Yanğınsöndürənlərin dediyinə görə, toqquşan qatarların ilk vaqonları təkərin zərbəsindən tamamilə qırılıb və vaqonların üzlüyünün bir hissəsi dəmir yolu relsindən 100 m-ə qədər atılıb. Bir-birinə doğru hərəkət edən hər iki qatar naməlum səbəbdən eyni yola çıxıb.