PSJ-nin və Argentina millisinin hücumçusu Lionel Messi Beynəlxalq Futbol Federasiyasının (FIFA) versiyasına görə 2022-ci ilin ən yaxşı oyunçusu mükafatını alması haqda danışıb.
Ucnoqta.az xəbər verir ki, bu barədə Mundo Deportivo yazıb.
Hücumçu Argentina yığmasının çalışdırıcısı Lionel Skaloni və millinin qapıçısı Emiliano Martinezə təşəkkür edib ki, onlar da öz kateqoriyalarında namizəd olublar.
“Bu, Qətərdə etdiklərimizə görə bütün komandaya verilən mükafatdır. Çılğın bir il idi, mən onun üçün uzun illər mübarizə apardıqdan, bu qədər səy göstərdikdən sonra arzumu həyata keçirə bildim”, - Messi bildirib.
O, həmçinin argentinalı azarkeşlərə və ailəsinə dəstəyə görə təşəkkür edib.
Bundan əlavə, idmançı mükafata daha iki iddiaçının - "Real Madrid"in hücumçusu Kərim Benzema və PSJ-nin hücumçusu Kilian Mbappenin uğurunu qeyd edib.
Emin