İngiltərə Premyer Liqasının (APL) 25-ci turunun London “Tottenhem” – “Çelsi” matçı başa çatıb.
Ucnoqta.az xəbər verir ki, “Tottenhem Hotspur” stadionunda keçirilən görüş “spurs”un 2:0 hesablı qələbəsi ilə yekunlaşıb.
Hesab ikinci hissənin lap əvvəlində açılıb. "Tottenhem"in yarımmüdafiəçisi Oliver Skipp fərqlənib. 82-ci dəqiqədə "Spurs"un hücumçusu Harri Keyn komandasının fərqini dubl edib.
Beləliklə, "Tottenhem" Premyer Liqanın turnir cədvəlində 45 xalla dördüncü pillədə qərarlaşıb. "Çelsi" 31 xalla Premyer Liqada 10-cu pillədə qərarlaşıb.
Qeyd edək ki, "Çelsi" ardıcıl beş oyundur ki, Premyer Liqanın qalibi ola bilmir.