"PSJ"in argentinalı hücumçusu Lionel Messi hələ də klubu ilə yeni müqavilə imzalamaqla bağlı razılığa gələ bilməyib. O, "Bavariya" ilə Çempionlar Liqasının 1/8 final mərhələsinin cavab oyununa qədər qərar verməyəcək.
Ucnoqta.az xəbər verir ki, bu barədə Onze Mondial məlumat yayıb.
Məlumata görə, argentinalı hələ maliyyə şərtlərinə görə yeni müqavilə imzalamayıb. Messi vergilər çıxıldıqdan sonra ildə 38 milyon avro alır və aşağı düşmək niyyətində deyil.
Ümumilikdə Messi bu mövsüm Fransa çempionatında 19 matçda 11 qol vurub və 10 məhsuldar ötürmə edib.
Xatırladaq ki, Messi 2021-ci ilin avqustunda "PSJ"yə keçib.