"Barselona"nın hücumçusu Robert Levandovski Avropa Liqasının 1/16 final mərhələsinin "Mançester Yunayted"lə cavab oyununda (1:2) qol vurub.
Ucnoqta.az xarici mətbuata istinadənxəbər verir ki, polşalı hücumçu üçün bu qol müvafiq olaraq mövsümün 25-ci idi, ispan klubu “Bavariya”ya 1,25 milyon avro ödəməlidir. Bu şərt 2022-ci ilin yayında Levandovskinin transferi zamanı komandalar arasında nəzərdə tutulmuşdu.
"Barselona"nın Levandovskinin 25-dən çox qol vurduğu hər mövsüm üçün 1,25 milyon avro ödəyəcəyi bildirilirdi. Ən çox dörd belə mövsüm ola bilər. Beləliklə Bayern bir transfer üçün 45 milyon avroya əlavə olaraq, əlavə 5 milyon avro ala bilər.