"PSJ"nin və Fransa yığmasının hücumçusu Kilian Mbappe "Real Madrid"ə keçmək üçün şərtləri açıqlayıb.
Ucnoqta.az xəbər verir ki, bu barədə Todofichajes məlumat yayıb.
Nəşrin məlumatına görə, forvard onunla birlikdə "PSJ"nin digər futbolçusu, mərakeşli Əşrəf Həkimi ilə də müqavilə imzalamağı istəyib. Aydın olur ki, Madrid klubunun rəhbərliyi Mbappenin xahişindən artıq xəbərdardır və iki futbolçunun transferini nəzərdən keçirəcək.
Ötən il dekabrın 19-da Mbappenin 2023-cü ilin yayında PSJ-dən ayrılmaq istədiyi məlum olub. Futbolçu maaşını ciddi şəkildə kəsməli olsa belə, Fransanı tərk edib daha güclü liqaya keçmək arzusunda olduğunu bildirib.